四件小事

小事一

今日Lunch Time, 嗌咗杯奶茶等著吃遠飯先至慢慢餤，殊不知一隻盲頭烏蠅似架開足TURBO嘅噴射機甘沖埋過黎∼好地地一杯絲襪奶茶慘變成幽怨凶案現場－－你啃唔落，我無得飲。前世欠你嘅咩...

後記：世界上就系有種（唔理人定畜生），明明損人不利己，就系無端百事甘黎搞搞震，但你有嘢忙（或者根本溝通唔到），你都系咪陪佢顛好嘀...埯下個嗬包啃咗佢喇（千祈唔好鬥氣咕一聲將佢連人（蠅？）帶肚嚼咗佢，盞自己後悔。

小事二

裝配緊機器，點知原本用開嘅鐵杵用嗮（人人都要用，偏偏到我就用嗮），同事話買白鋼嘅就得喇。喇喇聲買咗返黎，點知一放，塞都塞唔落。問賣其他幾間，都只系得h8尺寸容忍度嘅最近，-0.000到-0.018，但最好都系-0.005到-0.018嘅g6，都低之前個嘀邊度變出黎嘅哩？最後都系買做，好彩最後十支只中一只入唔到。上天都對我不薄。

另外上次有條友個圖，無加尺寸容忍度，偏偏個部件入得；到我嘅時候偏偏個車床師傅同我有仇，做細個尺寸(-0.010)。

後記：世界上就系有嘀嘢系無解釋嘅，絕對考究你個人嘅智慧，經驗，同魄力。書館就永遠唔會教你，到底之前個批到底系邊鬼個，邊署，幾時，點樣變出黎嘅。到咗呢個時候，都系放膽一搏喇。

於是乎，最後一隻我將佢鎖響個電鑽頭度，用砂紙抓住轉動磨細嘅。（本人系一名二打六機械工程師，以上動作經由專人訓練，在家兒童切勿模仿。成人若未有至少三年著手機械經驗亦同。）

同樣一架機，就算系五軸高準度車床車出黎，都次次唔同，無怪得曾志偉話：“同樣一件事，不斷甘做，做幾十年，都唔出錯，都系一個成就黎嘅。

小事三

同事幫我裝配完機器，先至發現個角度切大咗五度。結果又要拆除再裝。

後記：畫圖嘅時候總系有好多關鍵尺寸，旁邊會加上尺寸容忍度，但往往最後搞到你唔鬼得閒嘅，就系個嘀你以為應該唔會搞錯嘅地方，你唔搞錯，就會系人地搞錯。你都無氣力鬧“有無搞錯吖？”，因為你自己都睇唔到。

辦公室作業（孽），要無唔好錯，咪就錯到連人都會響度研究：錯得甘離譜，點解上次個條友無事嘅？見--事件二


小事四
某日呻道：“做唔嗮啊！”，在旁嘅同事連徐駁口：“梗系做唔嗮喇。做得嗮都唔駛請你喇...”


後記：市場就是如此。有人無得啃，有人啃唔嗮（見事件一）。另外唔好祈望工作會順順利利，（見事件二，三）因為我地嘀專業人士就系憑呢一個因素呃飯食糊口嘅。唔系麼鬼都唔順利，老細又點會乖乖每月到時到候送上如同親生骨肉嘅銀紙過你吖？？闔埋對眼，啃咗佢（又見事件一），將佢嘀唔順利到你手上變成順利，唔順利都假象（見事件三）系順利，佢就會乖乖甘送賣分年終花紅嘎喇。