--“我無工開”
係非常難得嘅機會之下，我通過某人聯系到咗失業人士俱樂部，
希望可以得到啲爹甘多嘅心得分享，或係一啲路數。
點知原來所謂嘅失業人士俱樂部，并唔系好似我想象中嘅一樣。
先由主席講起喇:
主席：
“ 各位親愛嘅弟兄，親愛嘅姊妹們：
首先歡迎你地黎到失業人士俱樂部。當然你地唔算係百忙中抽空黎喇，鬼甘得閑係咪？不過，我相信大家黎之前，都一定經過一番非常痛苦嘅矛盾，無可比擬嘅無奈，精神分裂式嘅心力交瘁--終于你地發現到：“我失業喇”。
好遺憾，呢個Club，無辦法幫你搵到工，因為有工開嘅窿路，或者有工俾人開嘅老細，係唔符合資格參加我地個Club。
雖然此刻幸運之神唔係響你嘅側邊，佢無照住你。你會感到沮喪、彷徨、失望、挫敗感，無力感...你地一定感到好奇，點解我會對你地此刻嘅心情如此了解透徹--因為我一年前都係同你地一樣，不過無須擔心，因為我好肯定，你地好快就會習慣呢種生活方式：因為一年后嘅我，都仲係同你地一樣，無野做。
呢個時候，最緊要就係唔好唸埋一邊，唔好消極。"I am nobody"，歌仔都有得唱喇，" I want nobody nobody..." 哪--你睇睇下班Wonder Girls，係咪即刻人生又充滿嗮希望叻？更何況你絕對唔會係"nobody"，因為就響你不斷甘搵工、不斷甘Interview、不斷發咗顛甘Send出你嘅Resume嘅同時，你嘅名字已經出現咗係Unemployment嘅Statistic度。而每個政府，最想做嘅，就係消滅你。對唔住，我講錯野--係想幫你。
行百貨公司俾人白鴿眼？行出街驚俾人見到？唸清楚啲：你亦都出現咗係啲Recruitment Firm嘅客戶名單度。 你將會係佢地嘅忠實客戶，最重要係咩呢？一日未傾成都無收錢嘅哦。你可以傾完呢單：老細唔夠靚仔，唔要。 另外一單：無馬士尼載送，唔要。再黎一單：無土族固打，唔要。同馬華嗌交，唔要。無前朝政府可以賴，唔要。一直到你搵到你心目中個Prince Charming為止。但係收錢仲係凈收一旦嘅喔。甘唔系好抵？？就係甘話咯。 所以你最重要要記得，此刻你唔係員工，你係啲Recruitment Firm嘅米飯頒主。你無老細，因為你就係你自己個老細。生意傾唔成，唔緊要，因為傾錯單，想撻訂，要賠仲多。你要享受埋呢段歲月，因為過咗之后，你就又做番員工，你燉冬菇做咗員工。
最后，大家記得睇清楚你四周圍，呢刻同你一樣一齊失業嘅弟兄姊妹們，佢地個副無精打采、雙目無光嘅神情，就係呢啲面孔，同你一齊走過你呢段最落魄嘅歲月。唔好唔舍得佢地、千祈唔好懷緬佢地。你要記得，你永遠唔想再見到佢地，見到佢地，絕對唔系緣分、更加唔係巧合。净係得两个兩個原因嘅啫：一係你無工開，二就係佢地亦都係無工開”。你睇下佢地，几甘衰样~就係呢啲失敗者，見到都行衰運。
最后，祝福大家前程似錦，下個禮拜唔好番黎喇。個Seminar都係一樣嘎，因為我唔希望有人好似我甘，仲需要黎。”
當然剩余嘅時間，我都訪問多咗幾個弟兄：
弟兄A：“我唔係朗拿度，亦都唔係朗拿顛佬，我係佢地個細佬--晾響度"
弟兄B：“難啃番書一紙領 份工始終找不到 找不到就食谷種 呢鑊認真離嗮譜。
流感洶洶擋不到 鬼佬佘數我愛揹 雙手冷額頭未冷 心底更是扯火....”
弟兄C：“只好訓覺當作不知道～行黎行去無野做～然而電話從未響～來日抬頭夢更空～ 搵工～何時終止～搵到之時～餓到快死(si)～全部已變作坨屎～”
姊妹D：“我唔恣！ 我唔恣！我要返工！我要返工！無喇喇點會無工開啫？無理由嘎嘛～個市仲係甘行，啲野仲係甘貴，抽稅總係甘多，啲公司攢我甘多、搵甘多，點會唔請我啫？無理由嘎嘛~我唔恣!我唔恣!"
姊妹E：“I am Single and available...for hire.”
弟兄F：“我向你求職 我求你應啊承～我語氣誠懇 我求你應啊允～ Won't you hire me, my job is very pia~ me very hardwork, you can just hire me...”
沒有留言:
張貼留言