Re: Cover Letter (自high版）

From: 老細
Sent: Fri, May 29, 2009 at 3:59 PM
To: 陳某
CC:
Subject: Re:Cover Letter (自high版）

Dear 陳某，

細路，唔好話阿叔唔教精你...查實原本似你呢封甘樣嘅geh嘢，我係唔會復你嘅。甚至根據我公司程序你呢封甘樣嘅所謂求職信係應該拿去碎紙機度人道毀滅，然后送去垃圾場，甚至焚化爐度，然后搵返幾個南摩佬同佢超渡； 而唔係出現系我嘅Mail Box度浪費我珍貴嘅幾百個kilobytes...而就因為啱得甘蹺，你呢封甘嘅geh嘢出現係我個Mail Box度，導致我公司人事部少咗一位靚仔，后生，有前途，能干嘅人事部經理；同另一位除咗靚，有學歷，有辦事能力，仲有前部又有后部嘅女同事。我都唔知佢地係無睇清楚你寫麼定係俾你落開降頭撞咗邪。順帶一提，你呢兩日最好因住黎，我係佢地我就會刮你出黎然后搞掂你。

首先，我唔知道你所謂公司最話得事個個係咪我，定係你仲要我呈上拿去董事會，亦係話你指嘅係我屋企嘅太上皇，定係家下就坐系我Office張Sofa度監視緊我做嘢嘅老虎乸。 但係無所謂，因為如果我甘做，甘樣下落黎中炒個個就會係我。而我無么可能俾呢個位你做，因為呢個位係我坐緊嘅，甘你坐咗我坐邊度？不如甘喇，我都想另謀高就，掉返轉你出糧俾我ler？然之后你咪唸住坐得呢個位可以凈係行行企企，唔該你做下功課，Google下，睇下CEO係應該做滴么嘢...之前行行企企個只，已經響經濟蕭條前俾我外父佬炒鬼咗。

第二，呢個時世，千祈唔好唸住擦擦鞋就將缺點講成優點 -- 唔靚仔唔係優點，你對现時辦公室女性對男性嘅睇法完全Out嗮： 家下唔好以為辦公室有一個靚仔，啲妞就會似九大行星圍住太陽甘圈住佢chek chat甘轉；時代唔同啦，女性抬頭嘎啦，獨立嘎啦...佢地上個禮拜至黎同我投訴，公司靚仔唔多，宅男太多，攪到佢地啲士氣down嗮，Production low嗮。我再唔黏到成間公司都係阿木村啊，阿Raymond Lam啊，胡歌仔啲Poster嘅話，佢地就會好快頭暈身heng，傷風感冒，慢下手我仲以為我公司被流感感染，要成間quarantine一個禮拜。-- 事實證明而家辦公室得老細一個係靚仔，係唔夠嘎，女員工福利唔夠好吖，世侄。

第三，我希望你明白呢個時世唔只興搵工同炒人，仲興“唔請人”，所以我人事部家下多出兩個空缺，但系只要可以運作，我都唔打算請人住，慳返。所以家下我公司一個人當十個人用，甚至有人黎投訴話佢覺得佢個血壓有1.5個bar，我都凈係出份2000蚊雞個人工俾佢。你獅子開大口話要兩三萬過數，我驚我有本事請你，你做得黎等唔到月尾出糧就已經爆血管係甘矣喇。再講吖，而家似你甘樣嘅一碌葛，一個招牌韃落里都唔知會砸死幾廿個喇。

唔好話阿叔唔關照你，我係塞嗮錢落你個袋甘滯，你謀得CEO，我睇你都係稀罕有個自己Office啫，行行企企，閑來仲要可以撩下女仔，我呢度都有一份： 十樓個堅叔老人家話年紀大喇，調咗去一樓， 你可以替佢負責十樓個男廁，甘對面就系女廁嘅，加上隔黎總有清潔工人房，你每日早晨7點鐘就求其清下，傍晚7點洗下，除此之外平時就棟響個度遞下紙巾，開下門，間無中通下個屎坑，擦擦鞋等啲同事開心啲積極啲得喀啦，爆屎渠呢滴ler就梗係急call專人喇；福利方面每個月頂多俾你600蚊，無超時無津貼無假期；我公司都有公司小巴，響MRT站都有接送，都算係專車接送喇；我私人醒個12寸黑白手提電視過你，至少響廁所度唔會悶襯，廁所都收到下Wifi，電視唔夠你就帶部Laptop自己PPstream，MSN，Facebook之類，最多我俾你印埋卡片，話知你Declare你自己係麼嘢-WCEO (Washroom Cleanliness Ensurement Officer)。到你做返四廿年甘上下有本事頂四樓福伯個位咯，到時咪有邊個Aunty Amy，定係Aunty Jenny幫你襯下佢咯。

你自己唸唸佢喇。啱嘅話就可以即刻過黎，搵四樓個福伯報到，拿你自己抽鎖匙同埋啲清潔工具，員工證就返得工架叻；唔好黎搵我喇，廁所見啦...

Regards,
你老頂
(咪當我懵炳至得嘎...)


-----------------本部落格純屬虛構，如有雷同，實屬不幸----------------------
p/s: 根据可靠消息来源，某國際大公司是某富豪集团...