照片

黃偉文嘅“沙龍”


“留住　溫度　速度　溫柔和憤怒
凝住　今日　怎樣　好
捉緊　生命濃度　坦白流露　感情和態度
停下時光　靜止衰老”

精闢得恐怖。

照片，畫像都讓人醬那一霎那變成永恆。
數碼化時代，無需擔心菲林不夠。可以盡量拍。
即影即有，OK唔OK，立即補過，唔駛等洗出嚟先至驚嚇。

更加無以前菲林時代般，裝咗ISO100嘅菲林，到晚上，暗光就用不著了。
一拍幾千張。慢慢揀。
可以封存硬碟中，面書中，網路硬盤中。
過幾年，再睇返。

相片外人已日漸憔悴。
但相片唔老。而家甚至於連變黃都唔會發生。
高清，顏色艷麗。
一切恍如尋日發生嘅事。
只係相中嘅人青春活潑，天真可愛。

感慨嘅係。或者相片中一啲人事已非。
街道已換過，油漆已經脫落。
做過嘅那些事，遇過那啲人。
已經無法再遇上，再做過。
如果當年跳過笨豬跳，而家可能連彈床都唔敢跳。
偶爾會笑笑年輕嘅自己，衝動，笨拙，憨居居。
突然淚落。

明白呢啲嘅時候，
或者，每拍一張相片，心入面唸緊嘅係

--請俾我永遠留在呢一刻。