最後三日

據講，2012年12月21日，世界末日。
只淨低三日。特地外出街訪。

“先生，聽講仲有三日就世界末日了喔，唔知你個日有啲咩打算呢？”
“真的嗎？又期待，又怕受傷害啊...”

“先生，聽講仲有三日就世界末日了喔，唔知你個日有啲咩打算呢？”
“我係被選中嘅少數人，我將會被救贖得到永生，你地慢慢喇...”

“Uncle，聽講仲有三日就世界末日了喔，唔知你個日有啲咩打算呢？”
“世界末日？唔係啊嘛？我未有心理準備嘅Wor？我咁大個仔連女仔手仔都未拖過吖！！！我唔恣吖！我唔恣吖！”
噗！
“唔好意思，呢位先生嘅情緒似乎係有些少失控嘅，訪問中斷。”



“小姐，聽講仲有三日就世界末日了喔，唔知你個日有啲咩打算呢？”
“行到水窮處，坐看雲起時。”
“好深奧...呵呵呵...唔好意思。”

“哥仔，聽講仲有三日就世界末日了喔，唔知你個日有啲咩打算呢？”
“世界末日？唔駛做啊？”

“先生，聽講仲有三日就世界末日了喔，唔知你個日有啲咩打算呢？”
“啊，你嚟得啱啦，我地保險公司啱啱係出咗呢個末日保險Package嘅，只有真係冚世界末日呢，我地係會作出呢個賠償啦，至於個Terms & Conditions呢....”


“呢位小姐，聽講仲有三日就世界末日了喔，唔知你地個日有啲咩打算呢？”
“Honey，有咩打算吖？～”
“唔話你知，俾你Suprise~”
“Mnmmm....”

“小哥，聽說仲有三天就世界末日鳥，不知你姐日有咩打算呢？”
“丟信喇！”

“小姐，聽講仲有三日就世界末日了喔，唔知你個日有啲咩打算呢？”
“噢，本店當日有末日大促銷，折扣高達90%，隔天還有生還者特別優惠價呢！現在申請會員，可以再扣哦～”

“先生，聽講仲有三日就世界末日了喔，唔知你個日有啲咩打算呢？”
“趴地～趴地～”


“先生，聽講仲有三日就世界末日了喔，唔知你個日有啲咩打算呢？”
“冬至啊！世界末日你個屁，現在的年輕人，只會跟些商家狂打廣告消費的日子，把傳統日子都給忘記了！冬至當然是一家人回家團聚吃湯圓！真是的，唉....”
“是...是...先生教訓的是。”


“先生，聽講仲有三日就世界末日了喔，唔知你個日有啲咩打算呢？”
“我會揾間教堂，慢慢懺悔人類呢幾千年嘅所有罪行...”


“小哥，聽說仲有三天就世界末日鳥，不知你姐日有咩打算呢？”
“當然是用我這架單反，拍下這歷史性的一刻。一定會拍出最震撼的照片！”


“小姐，聽講仲有三日就世界末日了喔，唔知你個日有啲咩打算呢？”
“Erm，大概跟心愛的人一起，慢慢看日落。”

“先生，聽講仲有三日就世界末日了喔，唔知你個日有啲咩打算呢？”
“啊～～啊～～～我22日就存夠錢買Ipad了！幹！多給我一天行不行啊？幹！幹！幹！”
“行，行，行！！！你別再打了。”

由於記者受到行人襲擊，街頭訪問中斷。