前頭

“魚翅恐懼症？”
噗哧...哈哈哈哈哈哈哈哈哈哈哈哈哈.....
“對唔住，我嚟幫你睇下...深呼....哇哈哈哈哈哈哈...”
“唔好意思...哈哈哈哈哈哈....”
“...”
“喂，阿林啊，東街個排舖頭ler，呢個月起加兩成租，尤其個間黃醫館ler，加五成。認住佢個樣，江湖追殺令，通知冚巴阆業者，邊個夠膽死租俾條粉腸就係同我過唔去。”
“巫少，你咪玩啦，呢個月你已經封殺咗五間診所嘎啦...再咁落去成條街都無醫生，我呢幾日請想要睇醫生都唔知要去邊吖....”
“咁你係想無醫生睇定係想無飯開啊...???”

“得，得，得....”
“仲有邊度有醫生？”
“無啦，巫少，俾你封殺嗮啦....隔區或者仲有嘅....”
“呃鬼啊你？而家係我面前就有間。”
“無理由啊，應該無嘅咯喔...”
“無聊醫務所。”
“聽個名就知揾笨啦，咪啦巫少//”
“係咁先啦。”

“唔該，睇醫生啊....”
“有無搞錯啊，一個人都無嘅？”
“邊個話無人...”
“對唔住，無睇到你...”
“請問你響邊啊？我嚟睇醫生嘎....”
“等陣啦。”
“又會擺個喇叭係張凳度都有嘅，嚇得我啊。”
“你好似好有意見。”
“無...無...無...”

“睇咩病啊？”
“魚翅恐懼症。”
“...”
“...”
“...”
“點解你無笑嘅？”
“魚翅恐懼症，幾好啊，環保健康，對社會有貢獻，無咩問題啊。”
“唔係啊嘛，醫生，無得食翅wor...你咁都話好？你有無人性嘎？”
“我打電話...”
“無得食翅駛死人咩...”
“你係咪唔識得醫啊？話無事...”
“邊個話我唔識醫？豈有此理...唔係唔識醫，係明明好健康，你偏要醫，醫咗反而有副作用啊，為你好啫...”
“咩副作用咁犀利啊？”
“都無咩嘅，係會對啲需要行頭嘅嘢特別敏感，會好似火箭咁衝過去啫...”
“咁係咪啫係搶巴士一定係前頭，有大減價一定掃得到啊？”
“可以咁講嘅....”
“咁簡直係神藥啦...算咩副作用啊？”
“唔係咁講嘅...唔係話搶到就係好事嘅，有啲嘢拾到都喊三聲喇。”
“吹脹，呢個年頭，有咩好嘢唔駛搶嘎?就咁啦。”
“咁好啦，要催眠嘎。”
“好。”
“得啦。搞掂。”
“咁快？”
“係啊，搞掂嘎啦。”
“你都揾笨嘅....妖。”
“診金免費，今日結業，難得同你有緣。”
“梗係免費啦，我未告你浪費我時間添啊。揾笨！”

=============================================================

“哇，手包哥，你好勁啊！一日之內居然幫15個婦女搶翻個銀包！上頭條添，仲快過Ducati啊！”
“巫少，估唔到wor，保護鯊魚遊行你居然帶頭，仲要警民對峙嘅時候第一個行頭。鯊魚哥！好嘢！”
“多謝呢位居士，你用10萬投標呢個觀音像呢，呢筆資金係會用嚟俾啲有需要嘅人嘅。”
《路人搶救小女孩，搶救哥網路一夜爆紅》
“而家啲咁熱心嘅人好少嘎啦....”
“這位熱心人士呢，有趣的地方是幫助了人卻又保持著一股抗拒感，很低調，很低調，仁者風範啊！但是這年頭呢，其實這樣是不好的，應該出來說說話，讓大家對這種熱心助人的行為，鼓勵鼓勵！”
“做戲！”
“有些人自己做不到，就說別人虛偽，又什麼爆內幕，中傷他人。”
《網路聲援鯊魚哥》
《這就是社會需要的良知》--名嘴
《冷漠的社會有救了！》--社評
《搶救哥再次挺身，火場奮身救三小孩》
“搶救鯊魚哥！好樣的！”
“誰說社會沒有好人了？我們有搶救哥！”
《鯊魚哥挺身人權示威遊行，支持者大受鼓舞》
《鯊魚哥反核示威，料50萬人出席》

=============================================================

“我唔理咁多！你同我刮條友仔出嚟！”
“巫少，你咁忙就由得佢啦，陣間遊行我撐你嘎！yeah!”

紅心....紅心....紅心....


（p/s: 本故事純屬虛構，如有雷同...怎麼可能？）