廿六

1）由2005計起， 已在新加坡駐紮多過六年。
2）工作兩年。慢慢成爲一個被動，困惑，咦咦哦哦嘅白領。
3）發覺小學四年級嘅班導主任評過嘅“我行我素” 原來系非常准確嘅。但系仍然希望能多我行我素多幾年。
4）成功唔應該係到咗咩階級，揸咩跑車，美女如雲；而係做緊自己中意做嘅嘢，而且用力去做，做得出色。此點緊記。
5）部落格沒嘢寫。慘到要求其亂咁塞啲垃圾入黎。而呢個地方早已經荒涼到全無人煙。
6）以前係有念頭，未去做。而家係腦袋空白。而無夢想嘅人生，學星爺話哉，同條鹹魚有咩分別？不斷有文告訴年輕人要勇敢去闖。而我嘅問題卻係無知要闖咩。還未開竅。
7）距離完成上一個夢想三年。人生又空白咗三年，淪為資本主義社會嘅一顆齒輪。
8）如果2012冬至係世界末日，我就係咁而喇。無時間了。
9）仍人一支公，但係我已寫單身寫到厭倦，所以唔寫了。同學都開始嫁嘅嫁，娶嘅娶，有啲都生第二胎喇。始終都無人執就自己執生算喇。
10）腦生草，呢篇原本係要作廿六個Point出黎嘅。但睇黎都係唔掂噶喇。
11）每日朝早聽同一個鈴聲，吃同樣嘅麵包，踏同一輛巴士，飲同樣嘅咖啡。
12）“你整天講講講講 講講講講 講講講講講 講講講講講講講講講講講講....“其實你到底要什麼？
13）好耐無做運動。無養成好嘅習慣。呢點要改。
14）今年同傘有仇，連續壞咗三把，而且都只用過3-4次。到底係而家啲傘有問題定係我命犯天煞孤星，注定無傘要淋水？注定無得遮靚囡？最近又買咗把，呢次再壞我就買個把武士刀傘。豈有此理。
15）今年無手工作品。
16）好耐無畫過圖畫。最近大家狂玩drawsome。但係我電話跑唔起。立即Clash。不過算啦，應該大部分人都會話唔知我畫麼。
17）尋晚又睇棟篤笑。
18）檯上有粒地球儀。已經嘔唔出嘢，搏命扭它轉它。呢粒波據說就黎玩完。原來我對它幾乎一無所知。
19）牛奶有毒，珍珠奶茶有毒，牙刷有毒，到底仲有啲咩係安全嘅？
20）二十六歲，麻甩光棍佬，肚腩有個。褲袋穿個窿。無理想，無建樹。叉燒都有用得多。
21）無論唱麼都會唱成粵曲咁。
22）今年居然唔知生日買咩俾自己。
23）以前住得離公司好遠，但係每日有1-2個小時空白嘅時間。代價係每日返到去已經係10點，仲會企MRT企到腳都酸嗮，仲有人逼人。但有時仲係懷念有咁樣嘅時間。而而家我嘅時間被Smart Phone，Facebook, Youtube霸占嗮。
24）咪再等喇。無時間喇。行喇。
25）有時會想丟嗮一切去一個無人識得我嘅地方。
26）堅持係需要訓練同厚面皮嘅，夾硬黎勉強夠26個Point喇。